Feeds:
Posts
Comments

Archive for the ‘My story’ Category

<code><code>

Read Full Post »

– Mahesh Chaudhari, Patan

Image

સુરતના સાપુતા અને ગુજરાતી અસ્મિતાના અખંડ પહેરીગાર એવા વીર નર્મદ નો જન્મ ૨૪ ઓગષ્ટ ૧૮૩૩ માં સુરતમાં થયો હતો. સાહિત્યકારોના મતે નર્મદાનું વ્યક્તિત્વ એટલું બધુતો વિશાળ હતું કે તેમને એક વ્યાખ્યામાં બાંધી શકાય તેમાં નથી.

પોતાની માતૃભુમી ગુજરાતને પોતાના સોલંકી યુગના સોનેરી વૈભાવને પુનઃ સ્થાપિત કરવાનું સ્વપ્ન આપનાર માં ભોમના આ પનોતા પુત્ર વીર નર્મદાની ૧૭૯ મી જનમ જયતિ ગઈ. એના જન્મને આજે ૧૭૯ વર્ષના વાયરા વાઈ ગયા. અને એના વિનાની ધરતીએ પણ ૧૨૬ દિવાળીઓને વધાવી લીધી. પણ આટલા વર્ષના વાણા વાઈ ગયા હોવા છતાં હજી સુધી આ ધરતી ઉપર એના માપની નજીક પણ પહોચી શકે તેવો કવિ પાક્યો નથી. કવિ તો દુર પણ માં ગુજરાતીનો આવો આરાધક પણ આ ધરતી ઉપર જનમ્યો નથી. અને એટલેજાતો નર્મદ બધા ગુર્જ્જર સંતાનોને આટલો પોતીકો લાગે છે. એવું કહીએતો પણ નવાઈ નહિ કે અર્વાચીન ગુજરાતી સાહિત્યનો પ્રારંભ કવિ નર્મદથી જ થયો હતો.

મધ્યકાળના ધર્મપારાયણતામાંથી સાહિત્યને સંસારાભીમુખ કરવાનો પ્રયાસ હોયકે સાહિત્ય સમજ અને સાહિત્ય વિષયોમાં આમૂલ પરિવર્તન કરવાનો પુરુષાર્થ હોય બન્નેમાં વીર નર્મદનું પ્રદાન ધન્યવાદને પાત્ર છે. વિવિધ પધ સ્વરૂપો અને ગધ સ્વરૂપોમાં નર્મદે કરેલ પહેલાના કારણેજ તો આજે ગુજરાતી સાહિત્ય પાસે પોતાનો કહી શકાય તેવો વિપુલ ભંડાર છે. અને એટલેજ તો નર્મદ ને અર્વાચીન સાહિત્યકારોના આધપીતામહ અને નવયુગના પ્રહરી તરીકે ઓળખવામાં આવે છે. નર્મદનું પ્રદાન માત્ર સાહિત્ય અને આદર્શ રચનાઓ પુરતુજા સીમિત નથી. પરંતુ તેમણે જે આદર્શો એક સાહિત્યકાર તરીકે પોતાના સાહિત્યમાં વર્ણવ્યા એજ આદર્શોને એક ઉમદા સમાજ સુધારક તરીકે જીવી પણ બતાવ્યા.

તેમણે દાંડીયો નામનું સાપ્તાહિક શરુ કરી સમાજ સુધારણા કાર્યક્રમની આક્રમક શરૂઆત કરી. પરંતુ અંતે તેમનો સુધારણા અંગેનો ભ્રમ ભાગતા અંતે તેમણે ઉત્તર વયે વિચાર પરિવર્તન કરી આર્યધર્મ અને સાંસ્કુતિના પુનરૂત્થાનને સ્વધર્મ ગણાવ્યો. અને પોતાની પ્રતિજ્ઞા ત્યજી ધર્માદા ખાતામાં મંત્રી પદે નોકરી સ્વીકારી.. પરંતુ મનનું સમાધાન ન મળતા ૨૫ ફેબ્રુઆરી ૧૮૮૬ નાં રોજ આઠ મહિનાની લાંબી માંદગી પોતાનો દેહ ત્યજી દીધો. આ સાથેજ ગુજરાતી ભાષાએ પોતાનો એક પનોતો પુત્ર અને કુળ દીપક ગુમાવી દીધો.

Read Full Post »

– Mahesh Chaudhari, Patan

Date : 11-08-2012

Image

” ફૂલની પાંદડી જેવી કોમલ મત પવનની આંગળીએથી લાવ નદીના પટ ઉપર મારું નામ લખી દઉં.. તવ મેંદીરંગ્યા હાથ લાવને મારું પાના નામ લખી દવું.”

શબ્દોમાં વ્યક્ત થયેલી રુદયની આંકક્ષાઓને પૂરી કરી ગુજરાતી ભાષા અને સાહિત્ય શિરોમણી રૂપ લેખક, કવિ, સંપાદક, સંકલન એવા આદરણીય સુરેશ દલાલનું શુક્રવારે સાંજે ૮૨ વર્ષની જૈફ વયે અવસાન થયું. આ સાથેજ ગુજરાતી ભાષાને સાહિત્યને ગરિમા બક્ષતો તેના પરીઘને સતત વિસ્તરતો એક સુરજ આપણે ગુમાવી બેઠા. ભાગ્યેજ કોઈ એવો ગુજરાતી હશે જે સુરેશ ભાઈના સાહિત્યમાં પ્રદાનથી અજાણ હોય.

સુરેશ પુરશોતમ દાસા દલાલનો જન્મ મુંબઈના થાણમાં ૧૧ ઓક્ટોમ્બર ૧૯૩૦ માં થયો હતો. ૧૯૪૯ માં મેટ્રિકની પરીક્ષા પાસા કરી. ૧૯૫૩ માં ગુજરાતીમાં બી.એ. અને ૧૯૫૫ માં એમ.એ. ની ડીગ્રી મેળવી. ૧૯૫૬મ મુંબઈની કે.બી.સાયન્સ કોલેજમાં ગુજરાતીના અધ્યાપક તરીકે જોડાયા. ત્યારબાદ ૧૯૬૦ થી ૧૯૬૪ સુધી એચ.આર.કોલેજ ઓફ કોમર્સમાં અધ્યાપક તરીકે કાર્ય કર્યું. ૧૯૬૪ થી ૧૯૭૩ સુધી કે.જે.સોમૌયા કોલેજમાં અને ૧૯૭૩ થી અધ્પર્યાત એસ.એન.ડી.ટી. વિમેન્સ યુની.માં ગુજરાતી વિભાગના અધ્યક્ષ તરીકે કામગીરી નિભાવી. સાહિત્યમાં ઉમદા પ્રદર્શન બદલ સુરેશ ભાઈને ૧૯૮૩ માં રણજીતરામ સુવર્ણ ચંદ્રક અને ૨૦૦૫ માં સાહિત્ય અકાદમી એવોર્ડ એનાયત કરવામાં આવી.

પોતાના અસાધારણ જીવન પ્રવાહ દરમિયાન સુરેશ ભાઈ દલાલે ગુજરાતી ભાષાને અનેક સંપાદન ગ્રંથો, કવિતાઓ, અને વાર્તાઓ, વિવેચન ગ્રંથો ભેટ આપ્યા. ” કવિતા” જેવું દ્રીમાસિક સુરેશભાઈ દલાલે એવી રીતે ચલાવ્યું કે તેનું પ્રત્યેક અંક કલાકૃતિ જેવું બની ગયું. એમના અવસાનથી ગુજરાતી સાહિત્ય જગતમાં એક એવો અવકાશ સર્જાયો છે. કે જે આવનારા કેટલાય વર્ષો સુધી પુરાયા તેમાં નથી. તેમને મુંબઈમાં વધતા જતા અંગ્રેજીના પ્રભાવ વચ્ચે ગુજરાતી ભાષાનો પ્રભાવ ઓછરી ના જાય તે માટે અનેક અદ્રિતીય કાર્યક્રોમોનુંમ આયોજન kari ગુજરાતી ભાષાના પનોતા પુત્ર બની રહ્યા. એક જમાનો હતો જયારે મુંબઈમાં તેમના કાવ્ય પઠન કાર્યક્રમો યોજાતા તેમાં સુરેશભાઈને સંભાળવા માટે મુંબઈમાં વસતા ગુજરાતીઓ ઘેલા બની જતા. એવું કહેવાયા છે કે સુરેશભાઈ દલાલ ભગવાન શ્રી કૃષ્ણના પ્રેમમાં હતા. અને એટલેજ તો શ્રી કૃષ્ણના જન્મદિવસ એવા જન્માષ્ટમીના દિવસેજ પોતાના વહાલા ને મળવા જગતન બધા બંધનો ફગાવી ઉપાડી ગયા.

Read Full Post »

– Mahesh Chaudhari, Patan

Date : 11-10-2012

Image

શ્રીકૃષ્ણ જન્મોત્સવના પાવન પર્વ નિમિતે ભગવાનની કર્મભૂમિ દ્વારકા નગરી શ્રીકૃષ્ણમય બની ગઈ હતી. રાત્રીના ૧૨ના ટકોરે ભગવાન દ્વારકાધીશના ત્રૈલોકય સુંદર જગતમંદિરમાં દ્વારકાવાસીઓ અને બહારથી મોટી સંખ્યામાં આવેલા યાત્રાળુઓએ શ્રીકૃષ્ણ ભગવાનના જન્મોત્સવને ધામધૂમથી ઉજવ્યો હતો.

જન્માષ્ટમીનું પર્વ એ ભગવાન શ્રીકૃષ્ણની કર્મભૂમિ ગણાતી દ્વારિકાનગરીમાં સૈકાઓથી વિશિષ્ટ રીતે ઉજવાતુ રહ્યું છે. દ્વારકાધીશ મંદિરે ભગવાન શ્રી કૃષ્ણનો ૪૨૩૮ મો જન્મોત્સવ ભારે ધામધૂમ પૂર્વક પૂર્વક ઉજવણી કરી હતી આજથી બરાબર ૪૨૩૮ વર્ષ પહેલા શ્રાવણ વદ આઠમને બુધવારની મધરાતે બરાબર બારના ટકોરે જ્યારે ચંદ્ર રોહિણી નક્ષત્રમાં હતો એ સમયે માતા દેવકીની કુખે મથુરાના કારાગારમાં ભગવાન શ્રીકૃષ્ણનો જન્મ થયો હતો. જેની યાદમાં શ્રીકૃષ્ણ જન્મોત્સવના પાવન પર્વ નિમિતે ભગવાનની કર્મભૂમિ દ્વારકા નગરી શ્રીકૃષ્ણમય બની ગઈ હતી.

રાત્રીના ૧૨ના ટકોરે ભગવાન દ્વારકાધીશના ત્રૈલોકય સુંદર જગતમંદિરમાં દ્વારકાવાસીઓ અને બહારથી મોટી સંખ્યામાં આવેલા યાત્રાળુઓએ શ્રીકૃષ્ણ ભગવાનના જન્મોત્સવને ધામધૂમથી ઉજવ્યો હતો. ભગવાન દ્વારકાધીશના જગતમંદિરના પરીસરને લાઇટિંગ ડેકોરેશનની રોશનીથી ઝળહળતું કરવા ઉપરાંત મંદિરના પ્રવેશદ્વારથી ૨૦૦ મીટર સુધીના રસ્તાઓમાં લાઇટિંગ તેમજ પતાકા લગાડવા અને શહેરના મુખ્ય વિસ્તારોમાં બહારથી આવતા ભાવિકો માટે સ્વૈચ્છીક તથા સેવાભાવી સંસ્થાઓ દ્વારા ચા-નાસ્તા-શરબત માટે વ્યવસ્થાઓ કરવામાં આવી હતી. જન્માષ્ટમી ઉત્સવ નિમિતે ગુજરાત યાત્રાધામ વિકાસ બોર્ડ તથા દ્વારકાધીશ મંદિર વ્યવસ્થાપક સમિતિ દ્વારા રિલાયન્સ રોડ પર ભકિત સંગીત તથા લોકડાયરાનું ભવ્ય આયોજન રાત્રીના ૯ કલાકે કરવામાં આવ્યું હતું.

દ્વારકામાં સદીઓથી શ્રીકૃષ્ણ ભગવાનના જીવનચરિત્રના મહત્વના દિવસો પરંપરાગત રીતે ઉજવવામાં આવે છે. શાસ્ત્રોના કથન મુજબ જીવનની યાત્રા ભગવાન શ્રી દ્વારકાધીશના દર્શન વગર અધુરી ગણાય છે. કદાચ એટલે જ દ્વારકાને મોક્ષપુરી તરીકે પણ ઓળખવામાં આવે છે. દર વર્ષની જેમ આ વર્ષે પણ જન્માષ્ટમી ઉજવવા માટે દેશના ખૂણે-ખુણેથી ભાવિકો દ્વારકા આવ્યા હતાં અને કૃષ્ણ જન્મોત્સવની ઉજવણી કરી હતી. શ્રી કૃષ્ણનગરી દ્વારકામાં છેલ્લા બે દિવસથી ભાવિકોનો અવિરત પ્રવાહ શરૂ થઈ ગયો હતો. સાતમના દિવસે જ શહેરની તમામ હોટેલો, ધર્મશાળાઓ હાઉસફૂલ થઈ ગઈ હતી. આઠમના દિવસે તો દ્વારકામાં પગ મૂકવાની પણ જગ્યા રહી ન હતી. દ્વારકાના જગતમંદિર ખાતે રાત્રે ૧૨-૦૦ કલાકે ભક્તિભાવપૂર્વક કૃષ્ણજન્મોત્સવની ઉજવણી કરવામાં આવી હતી

Read Full Post »

– Mahesh Chaudhari, Patan

&lt

>

ભારતમાં ૧૮ વર્ષથી ઓછી ઉંમરની સગીર વયની યુવતીઓનાં આરોગ્ય મામલે ગંભીર અને ચિંતાજનક ચિત્ર સપાટી પર આવ્યું છે. ૨૦૧૨ વર્લ્ડ ચિલ્ડ્રન રિપોર્ટમાં યુનિસેફે કહ્યું છે કે, આધુનિક ભારતમાં આજે પણ બાળ લગ્નો, કુમળી વયમાં બાળકોને જન્મ આપીને માતૃત્વ ધારણ કરવું અને પતિ તેમજ સાસરિયાં દ્વારા ઘરેલું હિંસાનું દૂષણ પ્રવર્તે છે. યુનિસેફે આંકડામાં જણાવ્યું છે કે, ભારતમાં ૨૨ ટકા મહિલાઓ ૧૮ વર્ષની વય પહેલા જ માતા બની ચૂકી હોય છે.

 

–  ૨૦૧૨ વર્લ્ડ ચિલ્ડ્રન્સ રિપોર્ટમાં યુનિસેફની ચોકાવનારો ઘટસ્ફોટ
­- વિશ્વમાં બાળ લગ્ન પૈકી ૪૦ ટકા બાળ લગ્ન ભારતમાં
– દર વર્ષે ૧ કરોડ યુવતીઓના ૧૮ વર્ષની વય પહેલા થાય છે લગ્ન
­- બાળ લગ્નની સ્થિતિમાં યુવતીઓ બાળકને જન્મ આપવા નથી હોતી સક્ષમ
– તેમ છતાં દેશમાં ૨૨ ટકા મહિલા ૧૮ વર્ષથી ઓછી વયે બનેશે માતા

 

વિશ્વમાં ૪૦ ટકાથી વધુ બાળ લગ્નો ભારતમાં થાય છે અને કાચી અને કુમળી વયે જ ૨૨ ટકા યુવતીઓ માતા બની જતી હોય છે. હાં.. આ વાત છે ૨૧ મી સદિમાં વસતા ભારતની.. અને આ નગ્ન હકીકતનો ઘટસ્ફોટ થયો છે યુનિસેફનાં વર્ષ ૨૦૧૨નાં  વર્લ્ડ ચિલ્ડ્રન્સ રિપોર્ટમાં… રિપોર્ટમાં જાણવા જણાવાયુ છે કે ભારતની હાલ ૨૦થી ૨૪ વર્ષની વય ધરાવતી ૨૨ ટકા મહિલાઓ ૧૮ વર્ષની વય પહેલા જ માતા બની ચૂકી હતી.

 

દર એક હજાર નવજાત શિશુમાં ૪૫ બાળકો એવા હોય છે જેમની માતાએ ૧૫થી ૧૯ વર્ષની વયે જ માતૃત્વ ધારણ કરી લીધું હોય છે. ઉલ્લેખનીય છે કે કાયદિય રીતે ભારતીય બાળ લગ્ન પર પ્રતિબંધ છે. અને મહિલા અને પુરુષ માટે લગ્ન માટેની લઘુતમ વય ક્રમશઃ ૧૮ અને ૨૧ વર્ષ છે.  રિપોર્ટમાં આંચકાજનક હકીકતતો એ સામે આવી છે કે ભારતમાં ૫૭ ટકા પુરુષ તરુણો અને ૫૩ ટકા તરુણીઓ એવું માને છે કે કેટલાક સંજોગોમાં પતિ દ્વારા તેમની પત્નીની કરવામાં આવતી મારપીટ યોગ્ય હોય છે.

 

આ ઉપરાંત રિપોર્ટમાં જણાવવામાં આવ્યુ છે કે શહેરી ભારતમાં આશરે ૩૩ ટકા બાળકો અને ગ્રામીણ વિસ્તારોમાં આશરે ૪૬ ટકા બાળકો ઓછું વજન ધરાવે છે. શહેરી ભારતમાં ચાર લોકો પૈકી બે અને ગ્રામીણ ભારતમાં પાંચ પૈકી એક બાળકને જ સેનિટેશનની સુવિધાઓ મળે છે. પાંચ વર્ષથી ઓછી ઉંમરનાં નવજાત શિશુનાં મોતની બાબતમાં ભારત ૫૦ સૌથી નિરાશાજનક દેખાવો કરનાર દેશોની યાદીમાં ૪૬માં ક્રમાંકે છે. અહીં પાંચ વર્ષથી ઓછી વયનાં બાળકોનાં મોતનો આંકડો ખૂબ વધુ છે.

 

અહેવાલ મુજબ ત્રણ નવજાત શિશુ પૈકી એક ઓછા વજન સાથે જન્મે છે. આ ઉપરાંત ૫૦ ટકાથી પણ ઓછા બાળકોને તેમની માતાઓ સ્તનપાન કરાવી શકે છે. અહેવાલમાં જણાવવામાં આવ્યું છે કે ભારતમાં બાળ લગ્નની ટકાવારી ખૂબ ઊંચી છે. વિશ્વના બાળ લગ્ન પૈકી ૪૦ ટકા બાળ લગ્ન ભારતમાં થાય છે. ૧૮ વર્ષની થાય તે પહેલાં જ યુવતીઓના લગ્ન કરી લેવામાં આવે છે. 

Read Full Post »


– Mahesh Chaudhari, Patan

આજે ગઝલ સમ્રાટ જગજિત સિંહનો ૭૨મો જન્મ દિવસ છે. ગજીત સિંહનો જન્મ રાજસ્થાન શ્રીગંગાનગરમાં આઠ ફેબ્રુઆરી 1941માં થયો હતો. તેમનું નામ જગમોહન હતું. તેમની અસંખ્ય ગઝલો આજે પણ સંગીતના ચાહકોમાં ઉચ્ચ સ્થાન ધરાવે છે. અને આજ કારણે વર્ષ 2003માં જગજીત સિંહને પદ્મવિભૂષણ એવોર્ડથી સન્માનિત કરવામાં આવ્યા હતા.

આઠ ફેબ્રુઆરી 1941.. આ ભારતનાં ઈતિહાસનો એ દિવસ છે જયારે અવાજને ‘કંઠ’નું ઉપનામ આપવા સાત દાયકા પૂર્વે કુદરતે એક સૂરીલા કંઠની રચના કરી હતી. જેને આપણે ‘જગજિત સિંહનાં નામે ઓળખીયે શીયે. જન્મ સમયે પિતાએ નામ આપ્યું જગમોહન, પરંતુ પોતાના ગુરુની સલાહ પછી નામ ધારણ કરી દીધું જગજિત… જી હા, ‘જગજિત સિંહ’ નામના એક ગઝલ-અધ્યાયના અંતિમચરણનો આજે ૭૨ મો જન્મ દિવસ છે. આ કલાકારના અવાજ વિષે જ્યારે જ્યારે વાત નીકળતી ત્યારે ત્યારે આ અત્યોચિત શબ્દો સહજપણે ઉચ્ચારાઇ જાય.. ‘જો ઇશ્વર ગાતો હોત, તો એનો કંઠ આવો જ હોત!’ આપણું અહોભાગ કે આ દૈવી કંઠ સદેહે ભારતભૂમિ ઉપર અવતર્યો!

આ દિવ્ય કંઠના સ્વર-રાજવીને પણ સંગીતના સતત બદલાતા રૂખના સામા વહેણમાં તરી આમ માણસની જેમ જીવનચક્કીમાં પીસાઇ, ઘુંટાઇ, કચડાઇ પોતાના અસ્તિત્વનો કસ કાઢી લે એવું જીવવું પડ્યું. એકવીસ વર્ષના યુવાન પુત્ર ગુમાવવા જેવી અનેક અગ્નિપરીક્ષાઓ પણ પાસ કરી. ‘નો શોર્ટ-કટ્સ’ની ધજા ફરકાવી માથે પુરુષાર્થનું કેસરી કફન બાંધી ખભે ખુદ્દારીના મુલાયમ પોતની અનન્ય સોનેરી કોરવાળો ખેસ ધારણ કરી ઝઝૂમવા નીકળી પડેલા આ દાઢીવાળા ફકીરે ઘોર સંઘર્ષપથ જ પસંદ કર્યો. બીજો કોઇ આસાન રસ્તો લેવો એને માન્ય પણ નહોતો! આગમાં હેમ તપે એમ આ સૂરીલા શખસે જગતાગ્નિમાં પોતાની સમગ્ર જાતને ઓગાળી એક શુદ્ધ ચોવીસ કેરેટના કલાકારનું સ્વરૂપ ધારણ કર્યું.

આ સ્વરમહારથીએ જગતની અત્યંત ઉત્કૃષ્ટ સિદ્ધિઓથી લઇ જીવનનાં મોંઘાં-અમોલાં દુઃખો ઉપર વિજય પ્રાપ્ત કરી સાચા અર્થમાં ‘જગજિત’ બની પોતાનું નામ સાર્થક કર્યું અને પોતાની એક અલગ કેડી કંડારી બતાવી આપ્યું કે બીજાના લોહીમાં રોટલી બોળીને ખાધા વિના પણ મહાન બની શકાય છે. પોતાની કક્ષાને જાળવી એક જ દિશામાં અવિરત મહેનત અને એક પછી એવા નવાં સોપાનો સર કર્યાં. ગઝલને એની બંધબેસતી વ્યાખ્યાકૃતિમાં મઢવાનું મહાકાર્ય કરી બતાવ્યું અને અંતે ભારતીય ગઝલને એની યોગ્ય ગરિમા પ્રાપ્ત થઇ જે વિશ્વસ્તરે પ્રચલિત થઇ. આ કલાકારને જગત તરફથી જે મળ્યું એનાથી સો ગણું એણે આપ્યું. લોકોના હૃદયમાં આનંદ અને આધ્યાત્મિકતાનો સંચાર કરી આખી દુનિયામાં માત્ર પ્રેમ વેચી અંતે 10 ઓક્ટોબર 2011ના રોજ આ દુનિયામાંથી ચીર વિદાય લીધી.

Read Full Post »

– Mahesh Chaudhari, Patan
Mahesh

પતંગ પર્વે મસ્ત ઉમંગે, હવામાં હરખના જંગ
પવન સપાટે આકાશે મલકે,ફુલ ગુલાબી રંગ

સૂર્યના કિરણો આજે પરોઢે ગુજરાત ઉપર પડયા ત્યારે આકાશનો નજારો કંઈક અદભૂત હતો. રંગબેરંગી પતંગોથી આકાશ જાણે ઉભરાઈ રહ્યુ હતું. આકાશ અનોખા રંગોથી રંગાઇ રહ્યું હતું. તો બીજી એ!!! બાજુ કાપ્યો છે….લપેટ…લપેટના નારા ગુંજી રહ્યા હતા. અને નાના ભુલકાઓથી લઇને મહિલાઓ, મોટેરાઓ પતંગની મસ્તીમાં ઝુમી રહ્યા છે. પતંગપ્રેમીઓ પર જાણે ઉત્તરાયણનો ઉન્માદ છવાઈ ગયો હોય તેવો માહોલ પ્રાંતઃકાળથી ચારે તરફ નજરે પડી રહ્યો છે. અગાસીઓ અને ધાબાઓ પર સવારથીજ લોકો ચઢી ગયા છે અને શહેરના આકાશમાં રંગબેરંગી પતંગો છવાઈ ગઈ છે. આમતો ઉત્તરાયણ ગુજરાતીઓનો મનગમતો તહેવાર છે. લોકોએ છેલ્લા બે દિવસથી જે રીતે પતંગો અને દોરાની ખરીદી કરી છે તે જોતાં તેમ લાગે છે કે ગુજરાતીઓ ઉત્તરાયણની ઉજવણી કરવામાં કોઈ કચાશ રાખવા માંગતા ન હતા. ગુજરાતના પતંગબજારોમાં મધરાતના બે વાગ્યા સુધી ભારે ભીડના દ્રશ્યો જોવા મળ્યા હતા. ત્યારે આજે શહેરોની અગાસીઓ પર ડી.જે.સિસ્ટમો ગોઠવાઈયેલ છે. ધૂમધડાકાભેર વાગતા ફિલ્મી ગીતોએ ઉત્તરાયણના માહોલની જ જમાવટ કરી દીધી છે. જાણૅ કે ગુજરાતના આકાશમાં જોરદાર પતંગ યુધ્ધ જામ્યુ છે. અગાસીઓ અને ધાબાઓ પર ટોપી અને ગોગલ્સ પહેરીને ઝૂમતાં યૌવનના કારણે ફેશન પરેડના દ્રશ્યો જોવા મળી રહ્યા છે. અગાસીઓને લોકોએ ખાણીપીણીની મહેફિલો અને ઉંધિયા પાર્ટી ની મજા માણી રહ્યા છે. ક્યાંક અગાસીઓ પર ખાણી પીણીની મહેફિલો સાથે દારુની પણ ઠેર ઠેર મહેફિલો જામી છે. તો બીજી તરફ ઉત્તરાયણની ઉજવણીના માહોલના કારણે અન્ય તમામ વેપાર ધંધા લગભગ ઠપ્પ થઈ ગયા છે. શહેરના રસ્તાઓ પર પણ પ્રમાણમાં ઓછી અવરજવર જોવા મળી છે. ટૂકમાં શહેરમાં ખરેખરો ઉત્તરાયણનો માહોલ જામ્યો.

Read Full Post »

Older Posts »

%d bloggers like this: